လေးထပ်နှင့်အထက်အဆောက်အအုံများတွင် ကားပါကင် ပါဝင်ရမည်ဆိုခြင်းကြောင့် သုံးထပ်ခွဲအဆောက်အအုံများ ဆောက်လုပ်မည်ဟု တင်ပြကာ ငါးထပ်အဆောက်အအုံအဖြစ် ဆောက်လုပ်မှုပိုမိုများပြားလာ

ရန်ကုန်မြို့တော်စည်ပင်သာယာရေးကော်မတီ (YCDC) မှလေးထပ်နှင့် အထက် အဆောက်အအုံများတွင် ကားပါကင် ပါဝင်ရမည်ဟု ဇန်န၀ါရီလအတွင်း ထုတ်ပြန်ပြီးနောက် ကန်ထရိုက်တာများအနေဖြင့် သုံးထပ်ခွဲ အဆောက်အအုံများကိုသာ တင်ပြ၍ ငါးထပ်အဆောက်အအုံဖြစ်အောင်ဆောက်လုပ်လာသဖြင့် ရန်ကုန် မြို့၏ယာဉ်ကြောပိတ်ဆို့မှုပြဿနာကို ဖြေရှင်းရန် လေးထပ်နှင့် အထက်အဆောက်အအုံများတွင် ကားပါကင် ထည့်သွင်းရမည်ဆိုသော ထုတ်ပြန်ချက်မှာမေးခွန်းထုတ်စရာဖြစ်လာကြောင်း ဆောက် လုပ်ရေးလောကအတွင်းမှ ပညာရှင်များကသုံးသပ်ပြောကြားသည်။

''လုပ်ငန်းရှင်ကတော့ ဘယ်အရှုံးခံပြီး အတိအကျ လိုက်နာပါ့မလည်း၊ လေးထပ်အထက်အဆောက်အအုံ မှာကားပါကင် ပါရမယ်ဆိုတော့ သုံးထပ်ခွဲပဲဆောက်မယ်လို့ YCDC မှာ တင်ပြပြီး မြေညီထပ်မှာ ထပ်ခိုး တင်ပြီး အပေါ်ထပ်မှာပါ အပေါက်ဖောက်လိုက်တယ်၊ ပြီးတော့ အပေါ်ထပ်မှာတင်တဲ့ တစ်ဝက်ခွဲအခန်းက လည်းပစ္စည်းထားဖို့ဆိုပေမဲ့ လူနေလို့ရအောင်ဆောက်လိုက်တော့ ငါးထပ်စာရောင်းလို့ရသွားတယ်'' ဟုရေသန့် နှင့်အဆောက်အအုံပညာရှင်တစ်ဦး ကသုံးသပ်ပြောကြားသည်။

ထိုကဲ့သို့ သုံးထပ်ခွဲအဆောက်အအုံအား ငါးထပ်အဆောက်အအုံ အဖြစ်ဆောက်လုပ်လာခြင်းမှာ ရန်ကုန်မြို့၏ ယာဉ်ကြောပိတ်ဆို့မှုပြဿနာကို ဖြေရှင်းနိုင်ရန်အတွက် လေးထပ်နှင့် အထက်အဆောက် အအုံများ တွင်ကားပါကင်ထည့်သွင်းရမည်ဟု ဆိုခဲ့ခြင်းကြောင့် ဆောက်လုပ်ရေးလုပ်ငန်းရှင်များ အနေဖြင့် ခြောက်ထပ်ဆောက်လုပ်မည်ဆိုပါက မြေညီထပ်အားကားပါကင်အဖြစ် ထည့်သွင်းရမည်ဖြစ် သည့်အတွက် မြေနေရာ အနေအထားပေါ်လိုက်၍ ကျပ်သိန်း ၂၀၀၀ ခန့် မှ ကျပ်သိန်း တစ်သောင်း ခန့်အထိနစ်နာဖွယ် ရှိသဖြင့် ကားပါကင် ပါဝင်ခွင့်ကင်းလွတ်ခွင့်ရသည့် သုံးထပ်ခွဲအဆောက်အအုံကို သာတင်ပြ၍ ၅ ထပ်အဆောက်အအုံ အဖြစ်ဆောက်လုပ်ခြင်းဖြစ်ကြောင်း တောင်ဥက္ကလာပမြို့နယ် အခြေ စိုက်ဆောက်လုပ်ရေးလုပ်ငန်းမှ မန်နေဂျာတစ်ဦးက သုံးသပ်ပြောကြားသည်။

''ရန်ကုန်မြို့ရဲ့ မြေညီထပ်တန်ဖိုးက မြို့နယ်လိုက်ပြီး ကျပ်သိန်း ၅၀၀ ကနေ ကျပ်သိန်း ၅၀၀၀ လောက် အထိရှိတော့ ဘယ်ဆောက်လုပ်ရေးလုပ်ငန်းရှင်မှ မြေညီထပ်ကို ကားပါကင်မပေးချင်ဘူးလေ။ မြေအောက် ထပ်မှာ ကားပါကင်ထည့်ဖို့ ဆိုတာကလည်း ၂၅ ပေ၊ ပေ ၅၀အဆောက်အအုံကို ကားပါကင်ထည့်ဖို့က လက်ရှိသုံးနေတဲ့ပိုင်တွေအရ ဘယ်လိုမှမလွယ်ဘူး။ ဒီတော့ သတ်မှတ်ချက်လည်းလွတ်အောင်၊ အမြတ် လည်းကျန်အောင် သုံးထပ်ခွဲပဲဆောက်မယ်လို့ တင်ပြပြီး ငါးထပ်ရအောင်ဆောက်ကြတာပေါ့'' ဟု တောင် ဥက္ကလာပမြို့နယ်အခြေစိုက် ဆောက်လုပ်ရေးလုပ်ငန်းမှမန်နေဂျာတစ်ဦးက ရှင်းလင်းပြောကြားသည်။

လေးထပ်နှင့် အထက်အဆောက်အအုံများတွင် ကားပါကင်ပါဝင်ရမည်ဆိုသည့် ထုတ်ပြန်ချက်မှာ ရန်ကုန်မြို့တွင် လက်ရှိဆောက်လုပ်နေသည့် အဆောက်အအုံများ၏ မြေကွက်အနေအထားအရဖြစ်နိုင်မှု မရှိသည့်အတွက် မြန်မာနိုင်ငံအင်ဂျင်နီယာအသင်းနှင့် ဆောက်လုပ်ရေးလုပ်ငန်းရှင်များမှ YCDC သို့ တင်ပြခဲ့သဖြင့် ဇန်န၀ါရီလတွင် ထုတ်ပြန်သည့် ကားပါကင်ပါဝင်ရမည်ဆိုသောညွှန်ကြားချက်အား မတ်လ အတွင်း ပြန်လည်ပယ်ဖျက်ကြောင်း ကြေငြာခဲ့သော်လည်း နေပြည်တော်မှ ညွှန်ကြားချက်အရဟုဆိုကာ ကားပါကင် ထည့်သွင်းရမည်ဆိုသောသတ်မှတ်ချက်အား ပြန်လည်ထုတ်ပြန်ခဲ့ကြောင်း မြန်မာနိုင်ငံ အင်ဂျင်နီယာအသင်းမှ သိရှိရပါသည်။

 ကားပါကင် ပါဝင်ရမည်ဆိုသောထုတ်ပြန်ချက်ကြောင့် ကန်ထရိုက်တာနှင့် မြေရှင်များအကြားတွင် ပြဿ နာဖြစ်ပွားနေပြီး ကန်ထရိုက်တာ အများစုမှာခြောက်ထပ် အဆောက်အအုံ ဆောက်လုပ်ရေးနှင့်ပတ်သတ်၍ ရပ်ဆိုင်းထားရမှုများရှိနေပြီး YCDC သို့တင်ပြသောခြောက်ထပ်အဆောက်အအုံ ဆောက်လုပ်ခွင့်လိုင်စင် များမှာလည်း ယခင်ထက် ၇၀ရာခိုင်နှုန်း လျော့ကျသွားသည့်အတွက် ဆောက်လုပ်ရေး လုပ်သားအများစု မှာလည်း အလုပ်လက်မဲ့ဖြစ်ပေါ်နေကြောင်း ဆောက်လုပ်ရေးလုပ်ငန်းရှင်များ၏ ပြောကြားချက်အရသိရှိရပါ သည်။

Ref: Eleven Media Group