ပြည်ထောင်စုသမ္မတမြန်မာနိုင်ငံတော်သည် စစ်အစိုးရအုပ်ချုပ်ရေးမှ ဒီမိုကရေစီစနစ်သို့ ပြောင်းလဲခဲ့သည့် ကာလမှာ သိပ်မကြာသေးချေ။ ဒီမိုကရေစီဟုသာဆိုသော်လည်း အစိုးရသက်တမ်းမှာ အလွန်နု နယ်သောကြောင့် စိန်ခေါ်မှုများစွာကြုံတွေ့ခဲ့ရပြီးဖြစ်သည်။
ထိုကဲ့သို့စိန်ခေါ်မှုများစွာ တွေ့ကြုံခဲ့ရခြင်းမှာ နိုင်ငံတော်အစိုးရ၏အပြစ်တော့ လုံးလုံးမဟုတ်ချေ။ သို့သော် အစိုးရအတွင်း စီမံခန့်ခွဲမှုများအားနည်းမှုကြောင့် ထိုသို့သောကိစ္စရပ်များတွေကြုံခဲ့ရခြင်းဖြစ်သည်။ အစိုးရ၀န်ကြီးဌာနများအတွင်းတွင် စစ်တပ်မှ အရပ်သားအဖြစ်ပြောင်းလဲတာဝန်ထမ်းဆောင်သူ များစွာရှိသည်။ ထိုသူများမှာ ယခင်က အထက်အမိန့်ဖြင့်သာလုပ်ဆောင်ခဲ့ရပြီး ယခုအခါ မိမိတာဝန်ကို မိမိကိုယ်တိုင်တာဝန်ယူ စီမံအုပ်ချုပ်ရသောကြောင့် အချို့သောနိုင်ငံ့တာဝန်များတွင် အားနည်းချက်များ ရှိနေ၏။
ဒီမိုကရေစီနိုင်ငံအဖြစ် မြန်မာနိုင်ငံရပ်တည်နေချိန်တွင် ခေါင်းဆောင်မှုပိုင်းဆိုင်ရာတွင်လည်း မသိမသာအား ပြိုင်မှုများလည်းရှိနေသည်။ မြန်မာ့နိုင်ငံရေးသမားများကား အိ်မ်တစ်အိမ်အတွင်းတွင်ရှိနေကြသော၊ ကတ် သတ်စိတ်ရှိနေကြသော သားသမီးများနှင့်တူပေသည်။ အိုမင်း၍မစွမ်းကြသော မိဘ ပြည်သူများ၏ အကျိုး ကိုတစ်ဦးက စလုပ်မှသာ တစ်ခြားတစ်ဦးကလုပ်ပေးသည်။ မိမိကိုယ်ပိုင်အသိစိတ်ဖြင့် လုပ်ပေးနိုင်မှုက နည်းပါးနေသည်။ ထိုသို့ဆိုလျှင် ကြိမ်တို့မှ ရုန်းသည့်အရာများနှင့်များစွာ ခြားနားမှုမရှိချေ။
ပါတီများ၏အားပြိုင်မှုဟာ ဒီမိုကရေစီစနစ်၏ မရှိမဖြစ်ရှိသင့်သည့်အချက် ဟုဆိုသော်လည်း မိမိပါတီ အာဏာရရေးအတွက် ဦးတည်၍ ပြည်သူတို့ချစ်ဖွယ်သော စကားကိုသာဆိုကြ၏။ အကာသာရှိ၍ အနှစ် မပါသောကိစ္စများသာဆောင်ရွက်နေကြသည်။ တကယ်တော့ ဒီမိုကရေစီနိုင်ငံရေးကာလနုနုတွင် ဆွယ်တရားကိစ္စများ ဘေးခဏချိတ်ထားကြပြီး ညှိညှိနှိုင်းနှိုင်းဖြစ်သင့်သည်သာ အမှန်ဖြစ်သည်။ နေသား ကျမှဆွယ်တရားကိစ္စများ လုပ်ကြပေါ့။
ရွေးကောက်ခံအချို့တွင်လည်း ကိုယ်ကျိုးထုတ်အမြတ်ယူမှုများမှာ တစ်ခြားနိုင်ငံများနှင့်စာလျှင် များပြားနေ သည့်အပြင် " ပြည်သူ ... ပြည်သူ့အတွက်" မရွေးခံရမည်က ပြောခဲ့သည်နှင့် လုံးလုံးမှမဆိုင်သည်များကို သာလုပ်နေကြသည်။ နိုင်ငံ့ရေးသမားဆိုတာ လျှာနှစ်ခွနှင့်မြွေဆိုတာမှန်ပေမယ့် ပြည်သူ့အကျိုးအတွက် သာမြွေဆိုးလုပ်ရမည်။ ကိုယ့်ကိုယ်ကျိုးအတွက် မြွေဆိုးလုပ်ပါက အကိုက်ခံရသည့်ပြည်သူမှာ မသက် သာချေ။
မြန်မာနိုင်ငံနှင့် ရပ်ကွက်များ၏ အုပ်ချုပ်ရေးသည် ဒီမိုကရေစီအရ ရွေးချယ်ပိုင်ခွင့်ရှိသော်လည်း မြန်မာနိုင်ငံ ၏မြို့တော်များမှာမှု ဒီမိုကရေစီစနစ်မကျင့်သုံးသေးချေ။ မြို့တော်ဝန်ရွေးကောက်ပွဲများလည်းရှိစေချင် သည်။ မြန်မာနှင့်ပတ်သတ်သမျှအရာအားလုံးကို ဒီမိုကရေစီကျစေချင်သည်။
မိဘဖြစ်တဲ့ပြည်သူများကလည်း သားသမီးများ၏မျက်နှာမထောက် အရက်သမားမိဘများဖြစ်လာသည်။ ဘာကြောင့်ထိုသို့ဖြစ်လာလဲဆိုတာတော့ အရက်ဆိုတာ စိတ်ဆင်းရဲရင်သောက်တယ်။ ဒီမိုကရေစီ လက်ထက်မှာ ခရိုနီတွေ၊ ခရိုနီတစ်ပိုင်းအရွေးကောက်ခံတစ်ပိုင်းတို့၏ အနိုင်ကျင့်မှုတွေ၊ အလုပ်အကိုင်ရှား ပါးမှု၊ ဆင်းရဲချမ်းသာကွာဟမှုစတဲ့ လူမှုဒုက္ခတွေကြောင့် ပြည်သူတွေအရက်သောက်ကြတယ်။ စည်း ကမ်းဖောက်ကြတယ်။ တာဝန်မဲ့ကြတယ်။ တစ်ချို့တစ်ချို့တွေက ပတ်ဝန်းကျင် ရေတိုနာမည်ကျော်နိုင် ငံ့ရေးသမားဖြစ်လိုသူတွေ မြှောက်ပေးမှုကြောင့် အရက်သောက် သွေးဆိုးကြတယ်။ ဆန္ဒပြကြတယ်။ အကြမ်းဖက်ကြတယ်။ အရက်သောက်တာများတော့ နိုင်ငံကြီးသားပီသမှုပါ လုံးပါးပါးလာပြီး ဘယ်သူသေသေ ငတေမာတွေများလာတော့မှာ အမှန်ပင်ဖြစ်သည်။
တာဝန်ယူစိတ်အပြည့်ရှိသော အာဇာနည်ခေါင်းဆောင်ဗိုလ်ချုပ် ပြောပြောနေတဲ့ ဖာသည်နိုင်ငံဆိုတာ ယခုလိုစိန်ခေါ်မှုများ စွာကြုံတွေ့နေသောနိုင်ငံဖြစ်လျှင်ဖြစ်မည် (သို့မဟုတ်) အဲဒီလိုနိုင်ငံဆီဦးတည်နေတာ လည်းဖြစ်မည်။ အကယ်၍ ဖြစ်ခဲ့လျှင်တောင် ဗိုလ်ချုပ်စကားထဲကအတိုင်း လုပ်ခဲ့ကြသူများအား ဗိုလ်ချုပ်စကားအလေးထားသူများ ဟုရွဲ့ပြီးဂုဏ်ပြုပေးချင်ပါသည်။
