မြန်မာစာပေစိစစ်ရေးသတင်း တရုတ်ကို ဂယက်ရိုက်

မြန်မာမီဒီယာလွတ်လပ်ခြင်းသည် တရုတ်ထက်သာလွန်ကြောင်း တရုတ်စာနယ်ဇင်းများက ထင်မြင်နေကြသည် (ဓာတ်ပုံ- Reuters)

မြန်မာပြည်က စာပေစိစစ်ရေး ဖျက်သိမ်းတဲ့သတင်းဟာ တရုတ်ပြည်မီဒီယာတွေမှာ ထောင့်ပေါင်းစုံနဲ့ တင်ပြရေးသားနေကြပြီး အွန်လိုင်းဖိုရမ်တချို့မှာဆို တရုတ်ပြည်ကရော မြန်မာလို လိုက်မလုပ်သင့်ဘူးလား လို့ မေးခွန်းတွေတောင် ထုတ်လာကြသည်ကို တွေ့ရသည်။

အဆိုပါ မြန်မာနိုင်ငံ စာပေစိစစ်ရေး ဖျက်သိမ်းတဲ့သတင်းအပေါ် တရုတ်မီဒီယာတွေရဲ့ ရှုမြင်ပုံ မတူခြား နားကြတာ တရုတ်အစိုးရ၏ သတင်းဌာနများ အတွင်းမှာကိုပဲ သဘောထားကွဲလွဲစွာ တွေ့နေရသည်။

တရုတ်အမျိုးသားရေးဝါဒယိမ်း သတင်းစာ The Global Times ဂလိုဘယ်လ်တိုင်းမ် သတင်းစာက တရုတ်တို့အနေနဲ့ ယင်းကို စံနမူနာမတင်သင့်ဘဲ ကိုယ့်မူကိုယ့်ဟန်နှင့်သာ စာပေလွတ်လပ်ခွင့်ကို ရယူ သင့်ကြောင်း ဝေဖန်ရေးသားထားသည်ကို တွေ့ရပြီး “တရုတ်နိုင်ငံ၏ သတင်းစာလွတ်လပ်ခွင့်သည် သင့်တင့်မျှတသော ခရီးရှည်ကြီးကို လျှောက်လှမ်းခဲ့ပြီဖြစ်သည်။ အနာဂတ်တွင် ပို၍ခရီးဆက်လှမ်းကြ ရဦးမည်။ တရုတ်တို့အနေဖြင့် စိတ်ရှုပ်ထွေးခံပြီး မြန်မာနှင့် ဗီယက်နမ် စသည့် နောက်ပေါက်ရွှေကြာနိုင် ငံများအား စံနမူနာယူနေခြင်းထက် အချိန်ကာလလမ်းကြောင်းအတိုင်းသာလိုက်ပါသင့်ပြီး နိုင်ငံ၏ လက်တွေ့ အခြေအနေကိုသာ ကြည့်သင့်သည်” ဟု ရေးသားထားသည်။

အဆိုပါသတင်းစာအာဘော်မှာ တရုတ်နိုင်ငံရဲ့ ပြုပြင်ပြောင်းလဲမှုတွေဟာ စမ်းသပ်မှုများစွာဖြင့် အောင်မြင်စွာ အစမ်းသပ်ခံပြီးဖြစ်ကြောင်း၊ မြန်မာနိုင်ငံရဲ့ပြုပြင်ပြောင်းလဲမှုက အခုမှအစ အဖူးအညှောင့် ထွက်ပြူခါစ ဖြစ် တယ်လို့လည်း ဆိုထားပြန်ပါသည်။

ဂလိုဘယ်လ်တိုင်းမ် အာဘော်ကို သတင်းစာရဲ့ အယ်ဒီတာချုပ် ဟူဇီဂျင်းက ရေးတယ်လို့ယူဆရပြီး သူ့ အာဘော်ထက် တရုတ်အစိုးရရဲ့ သတင်းစာ People’s Daily ပြည်သူ့နေ့စဉ်က သတင်းပေးပို့ချက်က ပိုပြီး မျှမျှတတ ရှုမြင်သုံးသပ်ထားသည်ကို တွေ့ရသည်။ ဒီကနေ့ဟာ မြန်မာဂျာနယ်လစ်တွေအတွက် မဟာအောင်ပွဲ လို့ ရန်ကုန်အခြေစိုက်သတင်းစာဆရာတယောက်ကို ကိုးကားပြီး ဘန်ကောက်က တရုတ် သတင်းထောက် ဆွန်ဂွမ်ယွန်းက ရေးခြင်းဖြစ်သည်။

တရုတ်ဆိုရှယ်မီဒီယာတွေမှာ ဂလိုဘယ်လ်တိုင်းမ် အာဘော်ကို ဝေဖန်သံတွေ ညံနေတယ်လို့ The Wall Street Journal ဝေါလ်စတြိဂျာနယ် သတင်းစာက ရေးခဲ့ပြီး၊ တရုတ် Tweeter တွီတာလို့ ပြောနိုင်တဲ့ အင်တာနက် အသုံးပြုသူ ၃၀ ရာခိုင်နှုန်းက အသုံးပြုနေတဲ့ မိုက်ခရိုဘလော့ဂ်ဝန်ဆောင်မှု Weibo ဝေဘိုးမှာ တယောက်က “ဂလိုဘယ်လ်တိုင်းမ်အာဘော်က မြန်မာနှင့် ဗီယက်နမ်အပေါ် သဘောထားဟာ ဒီနိုင်ငံ မှာ ဖြစ်ပျက်နေတဲ့ချမ်းသာသူက ဆင်းရဲသူကို ဆက်ဆံတာနဲ့ အတူတူပဲ။ တောသူဌေးအထာမျိုးနဲ့  အပေါ် စီးက နှိမ်ချဆက်ဆံတာ” လို့ရေးကြောင်း ဝေါလ်စတြိက ဆိုပြန်သည်။

မြန်မာတွေ စာပေစိစစ်ရေး ဖျက်သိမ်းလိုက်မှုအပေါ် စိတ်ဝင်စားမှုတွေကလည်း တရုတ်ပြည်မှာ အမျိုးမျိုးအဖုံဖုံရှိနေပြန်ရာ၊ နှစ်များစွာအကြာ မြန်မာပြည်အရေး သတင်းပို့နေသူ ကူမင်းအခြေစိုက် ဂျာနယ်လစ် ယင်ဟုန်ဝေက မီဒီယာလွတ်လပ်လာတာဟာ အစိုးရ၊ စစ်တပ်၊ တိုင်းရင်းသားတွေ နဲ့ နိုင်ငံတကာရဲ့အကျိုးစီးပွားတွေအပေါ် သက်ရောက်မှုရှိလာမယ်လို့ ဧရာဝတီ သတင်းဌာန ကို ပြောကြား ခဲ့သည်။
“တရုတ်အကျိုးစီးပွားကတော့ ပြည်တွင်းရန်မီးပွားစရာ ပစ်မှတ်သစ်တစ်ခု ဖြစ်လာလိမ့်မယ်” လို့ပြော ပြီး မြန်မာ့မီဒီယာအခင်းအကျင်းသစ်ဟာ  ဥပဒေက နောက်ဆုံးဝင်ထိန်းဖို့လိုမယ့် “ရှုတ်ထွေးပွေ လီမှု ခေတ်တခေတ်”ကို ဝင်ရောက်လာပြီလို့လည်း သူကဆိုသည်။

၁၉၉၈ ခုကစလို့ စုံစမ်းထောက်လှမ်းဖော်ထုတ်မှုတွေနှင့် လူလေးစားခံရတဲ့ စီးပွားရေးမဂ္ဂဇင်း Caijing ကိုင်ဂျင်းကို တည်ထောင်ခဲ့ရာက စာပေစိစစ်ရေးကို စိန်ခေါ်ရေးမှာ ရှေ့တန်းရောက်လာတဲ့  အယ်ဒီတာချုပ် ဟူရှုလီကလည်း မြန်မာ့စာပေစိစစ်ရေး ဖျက်သိမ်းမှုအပေါ် သံသယရှိနေသည်။ သူ့ကိုယ်ပိုင်ဘလော့ဂ်မှာ “စာပေစိစစ်နှင့် မှတ်ပုံတင်ဌာန အခုထိ ရှိနေဆဲပါ။ ပုံနှိပ်ထုတ်ဝေခွင့်လိုင်စင် ပြန်သိမ်းနိုင်ပြီး ပုံနှိပ် စာစောင်တွေ ရပ်ပစ်နိုင်တဲ့အခွင့်အာဏာကို ကိုင်ထားတုန်းပါ။ လွတ်လပ်တဲ့စာနယ်ဇင်းဆီ သွားရာလမ်းဟာ ဘယ်တော့မှ မချောမွေ့ပါဘူး။ ဘာပဲပြောပြော အနည်းဆုံးမြန်မာက ပထမခြေလှမ်းလှမ်းခဲ့ပါပြီ” လို့ရေးထား သည်။

ဂျာနယ်လစ် ကာကွယ်စောင့်ရှောက်ရေးကော်မတီရဲ့ မေလမှာ ထုတ်ပြန်ခဲ့တဲ့ ကမ္ဘာ့စာပေစိစစ်မှုအများ ဆုံးနိုင်ငံစာရင်းမှာ မြန်မာက အဆင့် ၇ ရပြီး တရုတ်က ဒုတိယ ချိတ်သည်။ ဟောင်ကောင်၊ ဘေးဂျင်းနှင့် ရှန်ဟိုင်းက နိုင်ငံခြားသတင်းထောက်များအသင်းတွေ မနေ့က ရှားရှားပါးပါး ပူးတွဲပြီး “အကြမ်း ဖက်ခြင်း၊ ခြိမ်းခြောက်ခြင်းများမှ ဂျာနယ်လစ်များကို အကာအကွယ်ပေးရန်” တရုတ်အာဏာပိုင်တွေ ကို တောင်းဆိုတဲ့ ကြေညာချက်ထုတ်ပြန်ခဲ့သည်။

ဟောင်ကောင်အခြေစိုက် Phoenix Weekly ဖီးနစ် အပတ်စဉ်ရဲ့ အယ်ဒီတာချုပ် ရှီယုံကန်း ကလည်း မြန် မာအစိုးရဟာ မီဒီယာကို ထိန်းချုပ်ဖို့ထက် မြေတောင်မြှောက်ပေးရမယ်ဆိုတာ သဘောပေါက်သွားပုံပေါ် တယ်လို့ သူ့ဘလော့ဂ်မှာရေးပါတယ်။ “ကျနော်တို့ အိမ်နီးချင်းက အပြောင်းအလဲ တအားမြန်နေပြီ။ သူတို့ ကျနော်တို့ကို မစောင့်တော့ဘူး”တဲ့ဆို့ပြန်သည်။

သူ့အမြင်က ဝေဘိုးက အသံတွေနဲ့ အလားတူပြီး ဝေဘိုးမှာ တယောက်က “ကြည့်ရတာ မြောက်ကိုရီးယား နဲ့ ငါတို့ပဲ ကျန်ခဲ့ပြီ” လို့ရေးသလို တခြားတယောက်ကလည်း “အဲလို မဟာအောင်ပွဲ တရုတ်ဂျာနယ် လစ်တွေအတွက် ဘယ်တော့လဲ”တဲ့ဆိုဟန် ရေးသားခဲ့ကြောင်းသတင်းရရှိသည်။

Ref: ဧရာဝတီ