အမှတ်(၁) လျှပ်စစ်စွမ်းအားနှင့် ဆောက်လုပ်ရေးဝန်ကြီးဌာန ပြည်ထောင်စု ၀န်ကြီး နှစ်ဦးနှင့် ပြည်ထောင်စု စာရင်းစစ်ချုပ်တို့အား နိုင်ငံတော်သမ္မတက ရာထူးမှ နုတ်ထွက်ခွင့်ပြု

နိုင်ငံတော်သမ္မတ ဦးသိန်းစိန်သည် ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးခင်မောင် မြင့်၊ အမှတ်(၁) လျှပ်စစ်စွမ်းအား ၀န်ကြီးဌာန ပြည်ထောင်စုဝန်ကြီး ဦးဇော်မင်း၊ ပြည်ထောင်စုစာရင်း စစ်ချုပ် ဦးလွန်းမောင်တို့အား ရာထူးမှ နုတ်ထွက်ခွင့် ပြုလိုက်ကြောင်းကို သြဂုတ် လ ၂၈ ရက်နေ့တွင် အမိန့်များ ထုတ်ပြန်၍ ကြေညာခဲ့သည်။

ထို့အတူ ပြန်ကြားရေးဝန်ကြီးဌာန ဒုတိယ၀န်ကြီး ဦးစိုးဝင်းအား သာသနာရေးဝန်ကြီးဌာန ဒုတိယ ၀န်ကြီးအဖြစ် ပြောင်းလဲတာဝန်ပေးလိုက်ကြောင်းကိုလည်း သြဂုတ်လ ၂၈ ရက်နေ့တွင် ကြေညာခဲ့သည်။

ပြုပြင်ပြောင်းလဲရေး အရှိန်မြှင့်ရန် ပြည်ထောင်စုဝန်ကြီးများနှင့် ဒုတိယ၀န်ကြီးများအား သမ္မတ ဦးသိန်း စိန်က အမိန့်များထုတ်ပြန်၍  သြဂုတ်လ ၂၇ ရက်နေ့က စတင်ကာ ပြောင်းလဲတာဝန်ပေးအပ်လိုက် ပြီး ပြောင်းလဲတာဝန်ပေးအပ်လိုက်သော ပြည်ထောင်စုဝန်ကြီးများမှာ ကိုးဦးဖြစ်သည်။ ထို့အတူ ဒုတိယ ၀န်ကြီး ၁၅ ဦးကိုလည်း ခန့်အပ်တာဝန်ပေးခဲ့သည်။

“၀န်ကြီးဌာနတွေမှာ Reform Plan တွေ ဆောင်ရွက်နေတာရှိပါတယ်။ ခုကိစ္စကတော့ လူမှန်၊ နေရာ မှန် ပေါ့နော်။ သွားမယ့်စီးပွားရေးပြုပြင်ပြောင်းလဲမှု၊ ပြည်တွင်းငြိမ်းချမ်းရေး အဲဒါတွေကို အလေးပေး ပြီး ဖော်ဆောင်သွားမယ့် အခင်းအကျင်းကို စတာပေါ့။ အလေးပေး ဆောင်ရွက်ချင်တဲ့နေရာမှာ ထားသင့်တဲ့ လူမှန်၊ နေရာမှန် ပြောင်းရွှေ့တာဝန်ပေးတာပေါ့နော်။ အဲဒါက Reform ကို အရှိန်အဟုန်မြှင့် ဆောင်ရွက် ဖို့ပါ”ဟု နိုင်ငံတော်သမ္မတ၏ ပြောရေးဆိုခွင့်ရှိသူ နိုင်ငံတော်သမ္မတရုံးမှ ညွှန်ကြားရေးမှူး ဦးဇော်ဌေး က ပြောကြားခဲ့သည်။

ယခု ပြည်ထောင်စုဝန်ကြီးများ နှင့် ဒုတိယ၀န်ကြီးများအား ပြောင်းလဲတာဝန်ပေးအပ်လိုက်ခြင်းသည် ၂၀၁၁ ခုနှစ် မတ်လတွင် စတင် တာဝန်ယူခဲ့သည့် သမ္မတဦးသိန်းစိန် လက်ထက် အကြီးမားဆုံး အစိုးရ အဖွဲ့ ပြုပြင်ပြောင်းလဲမှုလည်း ဖြစ်သည်။

ပြောင်းလဲတာဝန်ပေးလိုက်သော ပြည်ထောင်စုဝန်ကြီးများမှာ ဦးစိုးသိန်း၊ ဦးအောင်မင်း၊ ဦးလှထွန်း၊ ဦးတင်နိုင်သိန်း၊ ဦးအောင် ကြည်၊ ဦးကျော်ဆန်း၊ ဦးအုန်းမြင့်၊ ဦးအေးမြင့်၊ ဦးတင့်ဆန်းတို့ ဖြစ်ကြသည်။

ဦးစိုးသိန်းအား စက်မှုဝန်ကြီးဌာန ပြည်ထောင်စုဝန်ကြီးမှ သမ္မတရုံးဝန်ကြီးဌာန ပြည်ထောင်စုဝန်ကြီး အဖြစ်လည်းကောင်း၊ ဦးအောင်မင်းအား ရထားပို့ဆောင်ရေးဝန်ကြီးဌာန ပြည်ထောင်စုဝန်ကြီးမှ သမ္မတ ရုံးဝန်ကြီးဌာန ပြည်ထောင်စုဝန်ကြီး အဖြစ်လည်းကောင်း၊ ဦးလှထွန်းအား ဘဏ္ဍာရေးနှင့် အခွန်ဝန်ကြီး ဌာန ပြည်ထောင်စုဝန်ကြီးမှ သမ္မတရုံးဝန်ကြီးဌာန ပြည်ထောင်စုဝန်ကြီး အဖြစ်လည်းကောင်း၊ ဦးတင်နိုင်သိန်းအား အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီးဌာန ပြည်ထောင်စုဝန်ကြီးမှ သမ္မတရုံးဝန်ကြီးဌာန ပြည်ထောင်စုဝန်ကြီးအဖြစ် လည်းကောင်း၊ ဦးအောင်ကြည်အား လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနနှင့် အလုပ်သမားဝန်ကြီးဌာန ပြည်ထောင်စုဝန် ကြီးမှ ပြန်ကြားရေးဝန်ကြီးဌာန ပြည်ထောင်စုဝန်ကြီးအဖြစ်လည်းကောင်း၊ ဦးကျော်ဆန်းအား ပြန်ကြားရေး ၀န်ကြီးဌာနနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး မှ သမ၀ါယမ၀န်ကြီးဌာန ပြည်ထောင်စုဝန်ကြီး အဖြစ် လည်းကောင်း၊ ဦးအုန်းမြင့်အား သမ၀ါယမ၀န်ကြီးဌာနနှင့် မွေးမြူရေးနှင့် ရေလုပ်ငန်းဝန် ကြီးဌာန ပြည်ထောင်စုဝန်ကြီးမှ မွေးမြူရေးနှင့် ရေလုပ်ငန်းဝန်ကြီးဌာန  ပြည်ထောင်စုဝန်ကြီးအဖြစ် လည်းကောင်း၊ ဦးအေးမြင့်အား သိပ္ပံနှင့် နည်းပညာဝန်ကြီးဌာန ပြည်ထောင်စုဝန်ကြီးမှ စက်မှုဝန်ကြီးဌာန ပြည်ထောင်စုဝန်ကြီးအဖြစ်လည်းကောင်း၊ ဦးတင့်ဆန်းအား ဟိုတယ်နှင့် ခရီး သွားလာရေးလုပ်ငန်းဝန်ကြီးဌာနနှင့် အားကစားဝန်ကြီးဌာန ပြည်ထောင်စုဝန်ကြီးမှ အားကစားဝန်ကြီးဌာ န ပြည်ထောင်စုဝန်ကြီး အဖြစ်လည်းကောင်း ပြောင်းလဲ တာဝန်ပေးခဲ့သည်။ ( သြဂုတ်လ ၂၇ ရက်၊ နိုင်ငံ့ပိုင် သတင်းစားများတွင်-ရှု )

ဒုတိယ၀န်ကြီးများအဖြစ် ခန့်အပ်တာဝန်ပေးလိုက်သူများထဲတွင် အမျိုးသမီးလေးဦး ပါဝင်ပြီး ပညာရှင်အချို့ လည်း ပါဝင်သည်ကို တွေ့ ရသည်။

သမ္မတဦးသိန်းစိန် အစိုးရ တက်လာပြီးနောက်ပိုင်း မြန်မာနိုင်ငံတွင် ပြုပြင်ပြောင်းလဲမှုများ အဆက် မပြတ်ဆောင်ရွက်လာမှုကြောင့် မြန်မာနိုင်ငံအပေါ် ချမှတ်ထားသော အရေးယူပိတ်ဆို့မှုများကို နိုင်ငံတကာ က ဖြေလျော့ဆိုင်းငံ့မှုများ ပြုလုပ်လာကြသလို မြန်မာနိုင်ငံတွင်လာရောက် ရင်းနှီးမြှုပ်နှံကြရန်လည်း စိတ်ဝင်စားလာကြသည်။

ပြီးခဲ့သည့်လများကလည်း အစိုးရအဖွဲ့တွင် ၀န်ကြီးများ အပြောင်းအလဲ ရှိနိုင်သည်ဆိုသော သတင်းများ ထွက်ပေါ်ခဲ့ဖူးသည်။

Ref: Eleven Media Group