ရန်ကုန်၊ သြဂုတ် - ၂၁
ပဲခူးတိုင်းဒေသကြီးအတွက် လျှပ်စစ်ဓာတ်အား တိုးချဲ့ဖြန့်ဖြူးနိုင်ရန် မဟာဓာတ်အားလိုင်းနှင့် ပင်မဓာတ် အားခွဲရုံ ချိတ်ဆက်ခြင်းလုပ်ငန်းများ ဆောင်ရွက်မည်ဖြစ်၍ ရန်ကုန်တိုင်းဒေသကြီးအပါအ၀င် တိုင်းဒေသကြီးနှင့် ပြည်နယ် ၅ ခုရှိ မြို့နယ်အချို့တွင် ဓာတ်အားဖြတ်တောက်မှုများ ပြုလုပ်မည် ဖြစ်ကြောင်း အမှတ် (၂) လျှပ်စစ်စွမ်းအားဝန်ကြီးဌာနမှ သတင်းထုတ်ပြန်ရေးဌာနမှ တာဝန်ရှိသူတစ်ဦးက ပြောသည်။
သြဂုတ် ၂၅ ရက်နေ့၊ နံနက် ၆ နာရီမှ ၂၈ ရက်နေ့၊ ညနေ ၆ နာရီအထိ ဓာတ်အားခေတ္တပိတ်ခြင်း ကို ဆောင်ရွက်မည်ဖြစ်ရာ၊ ထိုနေ့များတွင် မနက် ၆ နာရီမှ ည ၉ နာရီအတွင်း ဓာတ်အားပြတ်တောက်မှုများ ရှိမည်ဖြစ်ပြီး ကရင်ပြည်နယ်၊
မွန်ပြည်နယ်၊ ပဲခူးတိုင်းဒေသကြီး၊ ရန်ကုန်တိုင်းဒေသကြီးနှင့်
ဧရာဝတီတိုင်းဒေ သကြီး၏ နေရာအချို့၊ မြို့နယ်အချို့တွင် လျှပ်စစ်မီးပြတ်တောက်မည်ဖြစ်ကြောင်း သတင်းရရှိသည်။
ပဲခူးတိုင်းဒေသကြီးအား ဓာတ်အားတိုးချဲ့ဖြန့်ဖြူးပေးနိုင်ရန်နှင့် သုံးစွဲဓာတ်အားပြည့်မီစေရန်အတွက် အမှတ် (၂) လျှပ်စစ်စွမ်းအားဝန်ကြီးဌာနသည် မြန်မာ့လျှပ်စစ်ဓာတ်အားလုပ်ငန်းမှ
တည်ဆောက်လျက်ရှိသည့် ၂၃၀ ကေဗွီ မင်းလှပင်မဓာတ်အားခွဲရုံအား
ဓာတ်အားပို့လွှတ်ကာ ၂၃၀ ကေဗွီရွှေတောင်-မြောင်းတကာ မဟာဓာတ်အားလိုင်းနှင့်
ချိတ်ဆက်ရာတွင် ဘေးအန္တရာယ်ကင်းရှင်းစွာ ဆောင်ရွက်ရန်အတွက်
လျှပ်စစ် မီး ဖြတ်တောက်ရခြင်းဖြစ်သည်ဟု အထက်ပါတာဝန်ရှိသူကဆိုကြောင်း သတင်းရရှိပါသည်။
Ref: 7Day News Journal
No comments:
Post a Comment