ကမ္ဘောဇဘဏ်မှ ချက်လက်မှတ် လက်ဆောင်ပေးခြင်းဝန်ဆောင်မှု အစီအစဉ်အား ဇွန်လ ၁၇ ရက်နေ့မှ စတင်ဆောင်ရွက်ပေးနေကြောင်းသိရသည်။
ဝန်ဆောင်မှုအစီအစဉ်များမှာ မွေးနေ့လက်ဆောင်ချက်လက်မှတ်၊ မင်္ဂလာလက်ဆောင်ချက်လက်မှတ်နှင့် အခြားချက်လက်မှတ်များလည်းရှိကြောင်းသိရသည်။
၎င်းဝန်ဆောင်မှုကိုဆောင်ရွက်လိုပါက နိုင်ငံသားမှတ်ပုံတင်ဖြင့် စာရင်းဖွင့်ပြီး အဆိုပါချက်လက်မှတ်တွင် ငွေကျပ် ၅၀၀၀ မှ ကျပ်သိန်း ၅၀ အထိထည့်သွင်းစာရင်း ဖွင့်နိုင်ပြီး၊ ၀န်ဆောင်ခကျသင့်ငွေမှာ ကျပ် ၅၀၀၀ ဖြစ်ကြောင်းသိရသည်။
မင်္ဂလာဆောင်ချက်လက်မှတ်များ၊ မွေးနေ့ချက်လက်မှတ်များတွင် မိမိပေးပို့လိုသူ၏အမည်ကို ဘဏ်မှထည့်သွင်းပေးမည်ဖြစ်သည်။ အခြားသောလက်ဆောင်ချက်လက်မှတ်များ ပြုလုပ်လိုပါက ဘဏ်မှဆောင်ရွက်ပေးမည်ဖြစ်သည်။ အဆိုပါချက်လက်မှတ်ပျောက်ဆုံးပျက်ဆီးသွားပါကလည်း ၀န်ဆောင်ခကျပ် ၅၀၀၀ ပေးသွင်းပြီးဆောင်ရွက်ပေးမည်ဖြစ်ကြောင်းသိရသည်။
အဆိုပါဝန်ဆောင်မှုအစီအစဉ်ကို ကမ္ဘောဇဘဏ်တိုင်းတွင် ဆောင်ရွက်ထားကြောင်း သိရသည်။
Ref: ငွေလမင်း (မြို့တော်သတင်း)
No comments:
Post a Comment